Naturmøteplassen på Hosteland

Søknadssammendrag

Bakgrunn:
Koronapandemien har medført isolasjon for mange, og særleg for grupper som er avhengige av transporthjelp for å koma seg til og frå. I vår bygd er det stort behov for utandørs nærtilbod for eldre som stimulerer til fysisk aktivitet og sosial omgang.

Målgruppe:
Kommunal sjukeheim, bustader for funksjonshemma, omsorgsbustader og helsesenter er lokalisert i området der «Naturmøteplassen» skal etablerast, og er samarbeidspartar i gjennomføring av prosjektet. I tillegg til alle pensjonistane i bygda er desse brukarane hovudmålgruppa.

Målsetjing:
I « Naturmøteplassen» vil vi leggja til rette for auka fysisk aktivitet for eldre ved å få på plass gode, funksjonelle og tilpassa turvegar og møteplassar i naturen for målgruppa i nærområdet sitt, og slik styrka folkehelsa og det psykososiale miljøet.

Innhald:
Tiltaket er todelt:

1. Etablering av turveg med tilrettelegging av « Naturmøteplassen» for eldre.
   Oppstart april 2021.
2. «High five»- tilrettelegging av tiltak i Naturmøteplassen som fremjar fysisk og psykisk helse. Oppstart august 2021.
3. «Trening for alle»- lågterskeltilbod for pensjonistar i regi av fysioterapiteneste
4. «Stjernestunder» – aktivitetstilbod i regi av sjukeheim
5. «Sansevegen»- stimuleringsløype i Naturmøteplassen i regi av bu- og aktivitetssenteret
6. «Møte mellom generasjonar»- gode møteplassar mellom dei eldre og skule/barnehage/bibliotek, i regi av prosjektgruppa.
7. «Dugnadsgjengen»- tilsyn, vedlikehald og utbetringar av « Naturmøteplassen» med regelmessige møtepunkt og sosiale treff.

Tidsplan:
Prosjektet vert avslutta 30.06.22 og deretter evaluert. Prosjektgruppa vil arbeida for at aktiviteten i «Naturmøteplassen» vert vidareført.

Forventa resultat:
«Naturmøteplassen» skal medverka til at fleire kjem seg ut, og på tur. Dette vil gje betre fysisk og psykisk helse, ein lysare kvardag, auka trivsel, noko å sjå fram mot, sosial deltaking, kjenna vær og vind på kroppen- kort sagt: Høgare livskvalitet. Tiltaket støttar tydeleg opp om Stortinget og regjering si satsing «Leve heile livet» som kommunane no skal gjennomføra.